بعيد عنك حياتى هَنَا
و فراقنا كان يوم المنى
كدابة أيوة و هعمل إيه؟
هو انت دارى باللى أنا فيه ؟!
ولا انت لسة بتحس بيه؟!
ما ياما ليالى سهرانة
و ياما دموعى حيرانة
هَجَرت و قلت مش راجع
و رجعت تانى تتراجع
يعنى انت قصدك إيه؟!
عايز تتطمن روحى عليك ؟
ولا تقولى عليّا عنيك؟
ولا انت بتفكرنى بيك؟
متخافش قلبى مش ناسيك
عملت عشانه حاجات كتير
حب و حنان و جرح كبير
و أنا باتجرح فى ثوانى
و يطيب جرحى فى سنين
و ده برده كله بيدبحنى
و شوقى ليك ده بيجرحنى
مبقتش عارفة إحساسى بيك
أوقات باحس ان أنا كارهاك
و ساعات كتير بتمنى لقاك
و يا ريتها كانت فارقة معاك
بتروح و تيجى على مزاجك
و حاططنى دايما فى دماغك
هو انت فاكرنى إيه؟
ليه غاوى يعنى تعذبنى؟!
فى قربك كنت بتتعبنى
و فى بعدك برده مغلّبنى
و الله حرام عليك
حيّرت قلبى و عقلى معاك
و سرقت عمرى عشان باهواك
و صبرى طال علشان انساك
و ده كله ييجى عليّا بإيه؟!
و ان كان ده حالنا بعد الفراق
ترجعلى تانى تقول مشتاق
كنت بعدت عنى ليه؟!
اعذرنى لو كنت باعاتبك
ما انا برده فاض بيّا فى بعدك
و واحشنى نفسى و انا فى قربك
و واحشنى كلام عنيك
و إن كنت فاكر بعمايلك
هتشاورلى و أرجعلك
فكفاية بقة و بقولهالك
أنا مش لعبة فى إيديك
ليست هناك تعليقات:
إرسال تعليق